રોટરી ક્લબ ઓફ કેપિટલ, ગાંધીનગર દ્વારા પોલિયો ડે નિમિત્તે બાળકોને પોલિયો ડ્રોપ્સ પીવડાવ્યા

ગાંધીનગર :
રોટરી ક્લબ માટે ખૂબ જ મહત્વના પ્રોજેક્ટ તેવા પોલિયો ડે નિમિત્તે રોટરી ક્લબ ઓફ કેપિટલ, ગાંધીનગર દ્વારા સેક્ટર-24, આંગણાડી ખાતે પોલિયો બુથ કાર્યરત કરવામાં આવેલ અને તેમાં બપોર સુધીમાં 100 થી વધારે બાળકોને પોલિયો ડ્રોપ્સ પીવડાવવામાં આવેલ. આંગણવાડીના બહેનો, આશા વર્કર, મેડીકલ સ્ટાફ અને રોટરી સદસ્યોને સહયોગથી સેક્ટર-24ના ઝૂંપડપટ્ટી વિસ્તારના બાળકોને ઘરે-ઘરેથી સંપર્ક કરીને આંગણવાડી ખાતે લાવીને પોલિયો ડ્રોપ્સ પીવડાવેલ. બાળકોને રમકડા, બિસ્કીટ સહિતની વસ્તુઓ પણ આપવામાં આવી હતી. આ પોલિયો દિવસમાં બ્રહ્માકુમારી સંસ્થાના રાજયોગિની પૂ. કૈલાસ દીદી સહિત બ્રહ્માકુમારી સંસ્થાના ભાઈ-બહેનો ખાસ ઉપસ્થિત રહેલ.
રોટરી ક્લબ ઓફ કેપિટલ, ગાંધીનગરના પ્રમુખ શ્રીમતી અમીબેન શાહ, સેક્રેટરી શ્રી પાર્થ ઠક્કર, શ્રીમતી કિંજલ ત્રિવેદી, શ્રી રાજીવ ભંડારી, શ્રી વી. એલ. પટેલ, શ્રી યશવંત જોશી, શ્રી ગૌરાંગભાઈ રાવલ, સુશ્રી જયશ્રીબેન ખેતિયા, સુશ્રી દિપ્તીબેન સબાપરા સહિત અન્ય બુથ ખાતે શ્રીમતી દર્શનાબેન ત્રિવેદી, શ્રી મનોજભાઈ સરૈયા દ્વારા પણ પોલિયો ડ્રોપ્સ પીવડાવવામાં આવેલ.