સે. ૨૫ પીપળાચોક ખાતે બીટ ધ હિટ ગેમ્સ યોજાઇ

તાજેતરમાં સેક્ટર ૨૫, પીપળાચોક ખાતે બીટ ધ હિટ ગેમ્સ નું આયોજન કરવામાં આવ્યું હતું. જેમાં ગાંધીનગરના બાળકોએ ઉત્સાહભેર ભાગ લીધો હતો. જેમાં લોટ ફૂંક અને લીંબુ ચમચી સ્પર્ધાઓ યોજવામાં આવી હતી અને સ્પર્ધામાં ગાંધીનગરના વિદ્યાર્થીઓએ વિવિધ વયજૂથોમાં રમતો રમી વિજેતા થયા હતાં જેમાં લીંબુ ચમચી સ્પર્ધામાં પ્રથમ વિજેતા રિશીત સોની અને મકવાણા ઉષા, દ્વિતીય વિજેતા આર્વી સીસારા અને સુથાર ભવ્યા, તૃતીય વિજેતા જાદવ કનય અને સુથાર કથન વિજેતા રહ્યા હતા. લોટ ફૂંક સ્પર્ધામાં પ્રથમ વિજેતા ચૌહાણ વીરાબા અને ઉષા મકવાણા, દ્વિતીય વિજેતા જાદવ કનય અને સુથાર ભવ્યા, તૃતીય વિજેતા વિરાંશ રાવલ અને વધેલા ધૈર્ય વિજેતા રહ્યા હતા. ગાંધીનગર મહાનગરપાલિકાના કોર્પોરેટર અંજના મહેતા વિશેષ ઉપસ્થિત રહી વિજેતા સ્પર્ધકોને એમના વરદહસ્તે ટ્રોફી તથા ભાગ લેનાર દરેક સ્પર્ધકોને પ્રમાણપત્ર અને મેડલ આપીને પ્રોત્સાહિત કરવામાં આવ્યા હતા. સ્પર્ધાને સરળ રીતે સફળ બનાવવા માટે કૌશિક રાવલ અને સોનાલી રાવલ દ્વારા જહેમત ઉઠાવવામાં આવી હતી તથા આયોજક મિલાપ ટાટારિઆએ વિજેતાઓને અનેક શુભેચ્છાઓ પાઠવી હતી.