વિક્રમ સારાભાઇની ૧૦૪મી જન્મ જયંતિ અંતર્ગત બાલ વૈજ્ઞાનિકોની સંસદ કાર્યક્રમ યોજાયો
ગુજરાત કાઉન્સિલ ઓન સાયન્સ એન્ડ ટેકનોલોજી, ગાંધીનગર અને નિસર્ગ કોમ્યુનિટી સાયન્સ સેન્ટર ના ઉપક્રમે ભારતના પનોતા પુત્ર અને અવકાશ વૈજ્ઞાનિક ડૉ.વિક્રમ સારાભાઇની ૧૨મી ઓગસ્ટે જન્મ જયંતિ અંતર્ગત નિસર્ગ સાયન્સ સેન્ટર દ્વારા દર વર્ષે વિવિધ કાર્યક્રમોનું આયોજન થાય છે.
આ વર્ષે વિક્રમ સારાભાઇની જન્મ જયંતિ અલગ રીતે યોજવામાં આવી. ધોરણ ૫ થી ૧૦ ના જુદી જુદી શાળાના બાળકો જુદા-જુદા વૈજ્ઞાનિકોના પહેરવેશ સાથે આવ્યા. અને વૈજ્ઞાનિકોની સંસદમાં ભાગ લીધો આ કાર્યક્રમમાં સુનીતા વિલીયમ, ડૉ વિક્રમ સારાભાઇ, કલ્પના ચાવલા, મેડમ ક્યુરી, ડૉ એ.પી.જે. કલામ, આર્ય ભટ્ટ, નિકોલા ટેસ્લા આલ્બર્ટ આઇન્સ્ટાઇન જેવા જુદા-જુદા વૈજ્ઞાનિકોના પહેરવેશ સાથે વિદ્યાર્થીઓ આવ્યા અને વિજ્ઞાન સંસદમાં તેમનો પરિચય અને વિજ્ઞાન ક્ષેત્રે તેમને કરેલી કામગીરી વિષે સંસદમાં રજૂઆત કરી.આ અનોખા કાર્યક્રમને જોવા માટે અને વિશેષમાં આ દિવસે વિજ્ઞાન સંસદને સાંભળવા ગાંધીનગરની જુદી-જુદી પ્રાથમિક માધ્યમિક શાળાઓના શિક્ષકો, તેમજ વાલીઓ ઉપસ્થિત રહ્યા હતા.
નિર્ણાયકશ્રી તરીકે શ્રી નરેશ ઠાકર, પૂર્વ પી.આર.ઓ. જી.પી.સી.બી. ગાંધીનગર અને શ્રી વસંતભાઈ પટેલ, પૂર્વ ઉપસચિવ, માર્ગ અને મકાનવિભાગ ગાંધીનગર સેવા આપી હતી. ડૉ અનિલભાઈ એ વિદ્યાર્થીઓને જુદા-જુદા વૈજ્ઞાનિકો એ કરેલ શોધો અને નોબલ પ્રાઈઝ વિષે વાત કરી હતી અને ડૉ.વિક્રમ સારાભાઇ ના જીવન અને તેમને કરેલી શોધો વિષે તેમજ તેમણે ગુજરાત માં સ્થાપેલી વિવિધ સંસ્થાઓ જેવી કે પિ.આર.એલ., વિક્રમ સારાભાઇ સાયન્સ સેન્ટર, વિકસત, અટીરા વિષે માહિતી આપી હતી.
સ્પર્ધામાં પ્રથમ ક્રમે ધ્યાની ભટ્ટ, દ્વિતીય ક્રમે પ્રિન્સ પરમાર, તૃતીય ક્રમે કાવ્યા પટેલ, ચોથા ક્રમે રૂદ્રજા જોશી અને પાંચમાં ક્રમે મુસ્કાન સેવક વિજેતા થયા હતા સ્પર્ધામાં વિજેતા વૈજ્ઞાનિકોને રોકડ ઇનામ આપી પુરસ્કૃત કરવામાં આવ્યા હતા. ભાગ લેનાર તમામને તેમના પાત્રોના ફોટા સાથેનું પ્રમાણપત્ર પણ એનાયત કરવામાં આવશે.
