IOCએ 2028ના લોસ એન્જલસ ઓલિમ્પિક માટે ક્રિકેટને આપી મંજૂરી

મુંબઈમાં આંતરરાષ્ટ્રીય ઓલિમ્પિક સમિતિના 141મા સત્રની બેઠકમાં ક્રિકેટને ઓલિમ્પિકમાં સામેલ કરવાનો નિર્ણય લીધો છે. ક્રિકેટને 128 વર્ષ બાદ ઓલિમ્પિકમાં સામેલ કરવામાં આવશે. 2028ના લોસ એન્જલસ ઓલિમ્પિક માટે ક્રિકેટનો સમાવેશ થઈ ચૂક્યો છે.

ઓલિમ્પિક કમિટીના પ્રમુખ થોમસ બેચના જણાવ્યા મુજબ એક્ઝિક્યુટિવ બોર્ડના અધિકારીઓએ બેઝબોલ/સોફ્ટબોલ, ફ્લેગ ફૂટબોલ, સ્ક્વોશ અને લેક્રોસ વગેરે પાંચ નવી રમતોમાં ક્રિકેટનો પણ સમાવેશ કરવાની મંજૂરી આપી હતી.