વેદ ઇન્ટરનેશનલ સ્કૂલ સરગાસણ ગાંધીનગર દ્વારા વાર્ષિક રમતોત્સવ ૨૦૨૩નું આયોજન કરાયુ

વેદ ઇન્ટરનેશનલ સ્કૂલ સરગાસણ ગાંધીનગર દ્વારા તારીખ 23મી ડિસેમ્બર ૨૦૨૩ શનિવાર ના રોજ શાળાના મેદાનમાં વાર્ષિક રમતોત્સવ ૨૦૨૩નું આયોજન કરવામાં આવ્યું હતું.

આ કાર્યક્રમનાં મુખ્ય મહેમાન શ્રી આર. આર. ઠક્કર જે ગુજરાત ટુરિઝમ માં ફરજ બજાવે છે તેઓ હાજર રહ્યા હતા,અને આ કાર્યક્રમને પ્રોતસાહિત કરવાં પધારેલ ગાંધીનગર નાં ધારાસભ્ય શ્રીમતી રીટાબેન પટેલને ગેસ્ટ ઓફ ઓનર આપી સન્માન આપવામાં આવ્યું હતું. સાથો સાથ શાળાના સમગ્ર ટ્રસ્ટીઓએ પણ હાજરી આપી બાળકોનો ઉત્સાહ વધાર્યો હતો.

આ કાર્યક્રમમાં શાળાના સિનિયર કે.જી. થી માડીને ધોરણ 12 ના તમામ પ્રવાહના વિદ્યાર્થીઓએ ખૂબ જ ઉત્સાહભેર ભાગ લીધો હતો.

કાર્યક્રમની શરૂઆત વિદ્યાર્થીઓ દ્વારા માર્ચ ડ્રીલ થી કરવામાં આવી હતી. જેમાં વિદ્યાર્થીઓએ સુંદર પરેડ રજૂ કરી હતી ત્યારબાદ વિવિધ સુંદર રમત ગમતના કરતબો જેવા કે મલખમ, રોપ રાયડિંગ અને ફાયર રીંગ ની સુંદર રજૂઆત કરવામાં આવી હતી.

આ કાર્યક્રમમાં જુમ્બા, વિવિધ ડાન્સ વગેરે રમત સાથે સંગીતમય આયોજન કરવામાં આવ્યું હતું. આ કાર્યક્રમની ભાગરૂપે વિવિધ રમતો જેવી કે દોડ રસ્સા ખેંચ, કબ્બડી, વોલીબોલ ગોરાફેદ વગેરેનું સુંદર અને બહુ શ્રેષ્ઠ આયોજન કરવામાં આવ્યું હતું.

રમત ગમત માં ઉત્તીર્ણ થયેલા તમામ વિદ્યાર્થીઓને મેડલ પ્રમાણપત્રો અને પારિતોષિક આપવામાં આવ્યા હતા. આ કાર્યક્રમનું સંચાલન શાળાના પી.ટી.ના શિક્ષકો દ્વારા આચાર્યા મેમ શ્રી જયાબેન ધીરમલાની ના માર્ગદર્શન હેઠળ કરવામાં આવ્યું હતું.

કાર્યક્રમને શાળાના તમામ શિક્ષકગણ સેવકો અને શાળાના તમામ કાર્યકરોએ ખૂબ જ મહેનત અને નિષ્ઠાથી પોતાની ફરજ અદા કરી ને સફળ બનાવ્યો હતો. કાર્યક્રમના અંતે રાષ્ટ્રગાન કરી સૌ છૂટા પડ્યા હતા.