દહેગામ દારુકાંડ મામલે પોલીસે મુખ્ય આરોપી સાથે 7 આરોપીઓની કરી ધરપકડ
ગાંધીનગર જિલ્લાના દહેગામમાં થયેલા દારુકાંડ મામલામાં પોલીસે દેશી દારૂનું વેચાણ કરતા મુખ્ય બુટલેગર સહિત 7 બુટલેગરોને પકડ્યા છે. પોલીસ દારૂનો રેલો આવતા હવે કાર્યવાહી કરવા મજબૂર બની છે. પોલીસે ઝડપેલા બુટલેગરોને સેન્ટ્રલ જેલમાં ધકેલી દેવામાં આવ્યા છે. પોલીસે ઝડપેલા આરોપીઓને કોર્ટ સમક્ષ રજૂ કર્યા હતા.જે પછી કોર્ટે તમામ આરોપીઓને સેન્ટ્રલ જેલમાં મોકલવાનો હુકમ કરાયો છે.
લિહોડા ગામમાં નશાનો ઓવરડોઝ કરતાં બે લોકોએ જીવ ગુમાવવાનો વારો આવ્યો છે.ઉત્તરાયણની સાંજે 7 લોકોએ દેશી દારૂ પીધો હતો.દારૂનો ઓવરડોઝ થતા તમામની તબિયત લથડી અને તબિયત લથડતા 2 લોકોએ તો હોસ્પિટલ પહોંચ્યા પહેલા જ દમ તોડી દીધો હતો, જ્યારે 5 લોકો હજુ પણ સારવાર માટે ખસેડવામાં આવ્યા છે.
