ગાંધીનગર સહકારી દૂધ ઉત્પાદક સંઘના ચેરમેન ડો.શંકરસિંહ રાણાની અધ્યક્ષતામાં ધ્વજવંદન કાર્યક્રમ યોજાયો

૨૬ મી જાન્યુઆરી-ર૦૨૪ પ્રજાસત્તાક દિવસના રોજ ગાંધીનગર જિલ્લા સહકારી દૂધ ઉત્પાદક સંઘ લિ. (મધુર ડેરી)ના ચેરમેન ડો. શંકરસિંહ રાણાની અધ્યક્ષતામાં ધ્વજવંદન કાર્યક્રમની ઉજવણી કરવામાં આવી હતી. આ કાર્યકમમાં સંસ્થાના મેનેજીંગ ડિરેકટર તથા સમસ્ત મધુર પરીવારના સભ્યો હાજર રહયાં હતાં. આ કાર્યક્રમમાં સંસ્થા દવારા જુદા-જુદા વિભાગો વચ્ચે જુદી-જુદી રમત-ગમત સ્પર્ધાઓનું આયોજન કરવામાં આવેલ હતું.

દરેક રમત-ગમત સ્પર્ધાઓમાં મધુર ડેરીના કર્મચારીઓએ ઉત્સાહભેર ભાગ લીધો હતો. દરેક રમત-ગમતના વિજેતાઓને સંસ્થા ધ્વારા પ્રમાણપત્ર પણ આપવામાં આવ્યાં હતાં. સંસ્થાના મેનેજીંગ ડિરેકટર તથા માન.ચેરમેનએ પ્રજાસત્તાક દિવસ તથા ઉપસ્થિત તમામ અધિકારી/કર્મચારીશ્રીઓને પોતાની ફરજો વિશે માહિતગાર કર્યા હતાં અને મધુર ડેરીની પ્રગતિ હજુ વધુ વેગવંતી બની રહે તે અંગે જણાવ્યું હતું. આ સમગ્ર કાર્યકમ સફળ રહયો હતો. આ સમગ્ર કાર્યક્રમનું સંચાલન સંસ્થાના જનરલ મેનેજર હંસાબેન પટેલે કર્યુ હતું.