કોંગ્રેસનાં પૂર્વ અધ્યક્ષ સોનિયા ગાંધી આજે રાજ્યસભા માટે નામાંકન દાખલ કરશે

કોંગ્રેસની પૂર્વ અધ્યક્ષ સોનિયા ગાંધી આજ એટલે કે બુધવાર રાજ્યસભા માટે નામાંકન દાખલ કરશે. તેઓ રાજસ્થાનથી રાજ્યસભા માટે ઉમેદવારી નોંધાવી રહી છે. આ માટે તે બપોરે જયપુર પહોંચશે. તેમની સાથે કોંગ્રેસ અધ્યક્ષ મલ્લિકાર્જુન ખડગે, રાહુલ ગાંધી અને મહાસચિવ કેસી વેણુગોપાલ પણ હાજર રહેશે. સોનિયા ગાંધીના જયપુર આગમનને લઈને કોંગ્રેસે પોતાના તમામ ધારાસભ્યોને જયપુર બોલાવ્યા છે. છત્તીસગઢના અંબિકાપુરમાં પોતાની ન્યાય યાત્રાને એક દિવસનો વિરામ આપ્યા બાદ રાહુલ ગાંધી પણ જયપુર પહોંચી રહ્યા છે. મળતી માહિતી મુજબ, સોનિયા ગાંધી 11.30 વાગ્યે નોમિનેશન ફાઈલ કરી શકે છે. તે સવારે દિલ્હીથી જયપુર જવા રવાના થશે. તે સીધા જયપુર વિધાનસભા પહોંચશે જ્યાં ધારાસભ્યો પોતાનું નામાંકન દાખલ કરશે. પૂર્વ મુખ્યમંત્રી અશોક ગેહલોત, પૂર્વ નાયબ મુખ્યમંત્રી સચિન પાયલટ, પ્રદેશ કોંગ્રેસ અધ્યક્ષ ગોવિંદ સિંહ દોતાસરા અને વિપક્ષના નેતા ટીકા રામ જુલી પ્રસ્તાવક હશે. તમને જણાવી દઈએ કે પૂર્વ વડાપ્રધાન મનમોહન સિંહ રાજસ્થાનથી રાજ્યસભાના સભ્ય છે. તેમનો કાર્યકાળ પૂરો થઈ રહ્યો છે. સોનિયા ગાંધી તેમનું સ્થાન લેશે.