ભરઉનાળે ચોમાસા જેવો માહોલ, રાજ્યના 41 તાલુકામાં ગાજવીજ કરા સાથે વરસ્યો વરસાદ

વેસ્ટર્ન ડિસ્ટર્બન્સની અસરકના કારણે રાજ્યના વાતાવરણમાં પલટો આવતા ભર ઉનાળે ચોમાસા જેવો માહોલ સર્જાયો છે.રાજ્યના વાતાવરણણમાં વેસ્ટર્ન ડિસ્ટર્બન્સની અસરથી પલટો આવતા રાજ્યના 41 તાલુકામાં વરસાદ વરસ્યો છે. ભરઉનાળે રાજ્યના 41 તાલુકામાં તોફાની પવન અને કરા સાથે કમોસમી વરસાદ વરસ્યો. પાંચ તાલુકામાં એક ઈંચથી વધુ વરસાદ વરસ્યો છે. સૌથી વધુ નર્મદાના ગરૂડેશ્વરમાં 1.5 ઈંચ વરસાદ વરસ્યો છે.વેસ્ટર્ન ડિસ્ટર્બન્સથી મહારાષ્ટ્ર ગુજરાત સહિતના કેટલાક રાજ્યોમાં ચોમાસા જેવો માહોલ સર્જાયો છે. રાજ્યમાં ભારે પવન સાથે વરસાદથી વીજળી પડતા બેના મોત થયા છે. ગાજવીત સાથે વરસાદ પડતાં 249 ગામમાં વીજ પુરવઠો ખોરવાયો છે. જો કે વરસાદના કારણે ઠંડક પ્રસરી જતાં અને તાપમાનનો પારો નીચે જતાં હાલ કાળઝાળ ગરમીથી રાહત મળી છે.

જો કે કમોસમી વરસાદથી કેટલાક જિલ્લામાં ખેતીના પાકને નુકસાન થયુ છે.સોમવારે અમદાવાદમાં બપોર બાદ ભારે પવન સાથે વરસાદ વરસ્યો હતો, ગાજવીજ સાથે વરસાદ તૂટી પડતાં અમાદાવીઓને કાળઝાળ ગરમીથી રાહત મળી છે. બપોર બાદ . 40 કિલોમીટર પ્રતિ કલાકની ઝડપે પવન ફુંકાતા અનેક વિસ્તારોમાં ઉડી ધૂળની ડમરી ઉડી હતી. . વિઝિબિલિટી ઘટતા વાહન ચાલકોને મુશ્કેલી પડી છે. સોમવારે અમદાવાદમાં ફુંકાયેલા મિની વાવાઝોડાથી અલગ અલગ વિસ્તારોમાં અનેક વૃક્ષો ધરાશાયી થયા છે. નરોડા, જોધપુર, થલતેજ, વસ્ત્રાપુર, કુબેરનગર સહિતના વિસ્તારોમાં એક ડઝનથી વધુ વૃક્ષો ધરાશાયી થયાં છે.વેસ્ટર્ન ડિસ્ટર્બન્સની અસર કચ્છ જિલ્લામાં જોવા મળી..ભારે પવન સાથે રાપરમાં ઉડી ધૂળની ડમરી.. તો ગાંધીધામ, અંજાર, આદિપુરમાં વરસ્યો કમોસમી વરસાદ.. કમોસમી વરસાદથી કેરી પકવતા ખેડૂતોને નુકસાનની ભીતી સેવી રહ્યાં છે.

ભારે પવન સાથે વરસાદ વરસતા નર્મદા જિલ્લામાં ભારે નુકસાન થયું છે. .. ડેડીયાપાડા, સાગબારા, રાજપીપળા શહેરના કાચા મકાનોના પતરા ઉડ્યાં હતા. .. તો કેટલાક વિસ્તારોમાં વીજ પુરવઠો પણ ખોરવાઇ ગયો હતો. .. ભુછાડમાં વીજળી પડતા વૃક્ષ બળીને ખાખ થઇ ગયા.પાટનગર ગાંધીનગરમાં પણ ભારે વરસાદથી ઠેર ઠેર વૃક્ષો ધરાશાયી થયા . સેક્ટર 26માં મકાન પર લાગેલ મોબાઈલ ટાવર પણ ધરાશાયી થયો હતો. તો કેટલાક ઠેકાણે વૃક્ષો જમીનદોસ્ત થયા હતા. વંટોળ સાથે વરસાદ વરસતાં. છોટા ઉદેપુરના નસવાડીમાં.. સ્ટેટ આર એન્ડ બીના જુના રેસ્ટ હાઉસના કમ્પાઉન્ડમાં વૃક્ષ ધરાશાયી થતા એક કાર ક્ષતિગ્રસ્ત થઇ હતી.બનાસકાંઠાના સરહદીય વિસ્તારમાં પવનની સાથે ઉડી ધૂળની ડમરી તો થરાદ પંથકમાં ભારે પવનને લીધે કેટલાક મકાન અને દુકાનોના ઉડ્યા પતરા. અમીરગઢ અને દાંતા પથંકમાં કમોસમી વરસાદ વરસ્યો હતો..

પાકને નુકસાન

કમોસમી વરસાદે સૌરાષ્ટ્ર અને દક્ષિણ ગુજરાતના કેરી પકવતા ખેડૂતોની ચિંતા વધારી છે. પવન સાથે વરસાદ વરસતા કેસર કેરી સહિતના પાકને નુકસાનની ભીતિ સેવાઇ રહી છે. . બદલાયેલા મોસમના મિજાજથી આ વર્ષે ફક્ત બે લાખ મેટ્રિક ટન કેસર કેરીનું ઉત્પાદન થવાની શક્યતા છે.

હવાઇ સેવા પર થઇ અસર

અમદાવાદમાં ધૂળની ડમરી અને ભારે પવન ફુંકાતા અમદાવાદમાં વિમાની સેવાને અસર થઇ છે. 15 ફ્લાઈટ એકથી દોઢ કલાક સુધી મોડી પડી હતી. તો ત્રણ ફ્લાઈટને ડાઈવર્ટ કરવામાં આવી હતી. ખરાબ વેધરના કારણે ચાર ફ્લાઈટને હવામાં જ ચક્કરમારવા પડ્યાં હતા. મુંબઈની ચાર ફ્લાઈટ અમદાવાદ ડાઈવર્ટ કરવામાં આવી હતી.