સર્વ વિદ્યાલય કેળવણી મંડળ ગાંધીનગર સંચાલિત સ્વામી વિવેકાનંદ વિદ્યાવિહાર સે.12 ખાતે પ્રવેશોત્સવ ઉજવાયો

સર્વ વિદ્યાલય કેળવણી મંડળ (કડી) ગાંધીનગર શાખા સંચાલિત સ્વામી વિવેકાનંદ વિદ્યાવિહાર, સેક્ટર-૧૨ ખાતે આજ રોજ વર્ષ ૨૦૨૪-૨૫ના પ્રથમ સત્રના પ્રથમ દિવસે શાળામાં આચાર્યશ્રી ભાવેશકુમાર જાની, શાળાના ગુરુજનો તથા વિદ્યાર્થીઓએ સાથે મળી માતા સરસ્વતીની પૂજા અને સ્તુતિ કરી. આ પાવન પ્રસંગે શિક્ષણ ખાતાના પદાધિકારીઓ જેઓ આ શાળાના વાલીઓ છે તેઓ પણ ઉપસ્થિત રહ્યા તથા તેઓ પણ આજના આ વિદ્યાર્થીઓના પ્રવેશોત્સવના વાતાવરણથી મંત્રમુગ્ધ બન્યા હતા. વિદ્યાર્થીઓને શાળાની શિક્ષિકા બહેનો દ્વારા કુમકુમ તિલક અને મો મીઠું કરાવી સહર્ષ ઉમળકાભેર પ્રવેશ આપવામાં આવ્યો. વિદ્યાર્થીઓ પણ આવા મીઠા આવકારથી ભાવ વિભોર થયા.