સુરતના સચિનમાં પાંચ માળની ઈમારત ધરાશાયી, 15 લોકો ઈજાગ્રસ્ત

સુરતના પાલી ગામમાં પાંચ માળનું બિલ્ડીંગ ધરાશાયી થવાની ઘટના સામે આવી છે. પાલી ગામમાં દુર્ઘટનામાં 15 લોકો ઈજાગ્રસ્ત થયા હોવાના પ્રાથમિક અહેવાલ છે.સુરતના પાલી ગામમાં પાંચ માળનું બિલ્ડીંગ ધરાશાયી થવાની ઘટના સામે આવી છે. પાલી ગામમાં દુર્ઘટનામાં 15 લોકો ઈજાગ્રસ્ત થયા હોવાના પ્રાથમિક અહેવાલ છે. ઈમારત ધરાશાયી થતા ફાયર અને પોલીસની ટીમ ઘટના સ્થળે પહોંચી છે. આ દુર્ઘટનામાં 15 લોકો ઈજાગ્રસ્ત થયા છે. જેસીબીની મદદથી કાટમાળ હટાવવાની કામગીરી કરવામાં આવી રહી છે.

બિલ્ડિંગ ધરાશાયી થતા 15 લોકોને ઈજા થઈ છે. કેટલાક લોકોને નાની ઈજા પહોંચી છે. આ ઘટનાની જાણ થતા તાત્કાલિક ફાયર અને પોલીસ ટીમ ઘટના સ્થળે પહોંચી હતી. જો કે બિલ્ડિંગનો કાટમાળ ખસેડવાની શરૂઆત કરવામાં આવી છે. બિલ્ડિંગમાં 15 જેટલા લોકો રહેતા હોવાની પ્રાથમિક માહિતી મળી છે. જે બિલ્ડિંગ ધરાશાયી થઈ છે તે જર્જરીત હોવાની પણ વાત સામે આવી છે. હાલ પોલીસ ઘટનાસ્થળેથી લોકોને દૂર કરાવી રહી છે.

એક મહિલાનું રેસ્ક્યૂ કરવામાં આવ્યું હતું. જેસીબીની મદદથી કાટમાળ હટાવવાની કામગીરી કરવામાં આવી રહી છે. બિલ્ડિંગ ધરાશાયી થતા એનડીઆરએફની ટીમ પણ સ્થળ પર પહોંચી છે.