જામનગર અમૃતસર એક્સપ્રેસ વે: 1200 KMનું અંતર માત્ર 13 કલાકમાં કપાશે

ભારતના બીજા સૌથી લાંબા એક્સપ્રેસ વે અમૃતસર-જામનગરનું નિર્માણ કાર્ય પૂર ઝડપે ચાલી રહ્યું છે. આ નવા વર્ષમાં આ એક્સપ્રેસ વે તૈયાર થઈ જશે તેવી પૂરી આશા છે. તેના નિર્માણથી પંજાબ, હરિયાણા, રાજસ્થાન અને ગુજરાતની કનેક્ટિવિટીમાં ઘણો સુધારો થશે.  જામનગર અમૃતસર એક્સપ્રેસ વેના નિર્માણથી અમૃતસર અને જામનગર વચ્ચેનું અંતર ઘટી જશે. હાલમાં અમૃતસરથી જામનગરનું અંતર 1430 કિમી છે. આ સફરને પૂર્ણ કરવામાં 26 કલાકનો સમય લાગે છે પરંતુ આ એક્સપ્રેસ વેના નિર્માણથી અંતર ઘટી જશે. સમય ઘટાડીને અડધો થઈ જશે. તેના નિર્માણ બાદ 1256 કિમીનું અંતર માત્ર 13 કલાકમાં કાપવામાં આવશે. આ એક્સપ્રેસ વે પંજાબથી શરૂ થઈને હરિયાણા અને રાજસ્થાન થઈને ગુજરાત જશે. આ ઉપરાંત તે દિલ્હી-કટરા એક્સપ્રેસ વેને પણ જોડશે. આ એક્સપ્રેસ વેનો સૌથી મોટો હિસ્સો રાજસ્થાનમાં હશે. જ્યાં તેની કુલ લંબાઈ 636 કિલોમીટર થવાની છે. આ દેશનો સૌથી લાંબો આર્થિક કોરિડોર બનવા જઈ રહ્યો છે. તેના નિર્માણમાં 80 હજાર કરોડ રૂપિયાનો ખર્ચ થશે. તેના નિર્માણથી ચારેય રાજ્યોમાં રોજગારના નવા સ્ત્રોત ઉપલબ્ધ થશે.