ગાંધીનગર: ખનિજના બિનઅધિકૃત વહન કરતાં કુલ 6 વાહનો સહિત કુલ 1.75 કરોડનો મુદ્દામાલ જપ્ત

ગાંધીનગર કલેકટરશ્રી મેહુલ કે.દવે ની આગેવાનીમાં જીલ્લા વહીવટ તંત્રને રેતી ખનીજનું બિન અધિકૃત રીતે થતું રેતી ખનન/વહન/સંગ્રહ અટકાવવામાં નોંધપાત્ર સફળતા મળી છે.સતત રજાના દિવસો દરમિયાન પણ કલેકટરશ્રીની‌ વિશેષ સુચના થકી ભૂસ્તર તંત્ર દ્વારા ચેકીંગની કડક કાર્યવાહી કરવામાં આવી રહી છે,જેના પરિણામે કાયદેસર કાર્યવાહી કરી ખનીજ ચોરી અટકાવવાની નેમ સાથે તંત્ર દિવસરાત સરાહનીય કામગીરી કરી રહ્યું છે.

વિગતે વાત કરવામાં આવે તો, કલેક્ટરશ્રી, ગાંધીનગર મેહુલ કે. દવે ના માર્ગદર્શન અને મદદનીશ ભુસ્તરશાસ્ત્રી પ્રણવ સિંહ ની સુચના હેઠળ ગાંધીનગર જીલ્લાના મદદનીશ ભુસ્તરશાસ્ત્રી ની કચેરી, ભુસ્તર વિજ્ઞાન અને ખનિજ ખાતું ની ક્ષેત્રીયટીમ દ્વારા ગાંધીનગર જીલ્લામાં છેલ્લા 24 કલાકમાં આકસ્મિક ચેકિંગની કામગીરી અલગ-અલગ વિસ્તારમાં હાથ ધરી ખનિજના બિનઅધિકૃત વહન કરતાં કુલ 06 વાહનો જપ્ત કરવામાં આવ્યા છે. જે પૈકી કલોલ-નારદીપુર રોડ ખાતેથી ડમ્પર નં. GJ-36-T-8300 માં રોયલ્ટીપાસ /ડીલીવરી ચલણ વગર પેબલ ખનિજનું બિનઅધિકૃત વહન અને ટીંટોડા ખાતેથી ડમ્પર નં. GJ-24-X-3778 માં રોયલ્ટીપાસ /ડીલીવરી ચલણ વગર સાદીરેતી ખનિજનું બિનઅધિકૃત વહન,નારદીપુર ખાતેથી ડમ્પર નં. GJ-24-X-7502 માં રોયલ્ટીપાસ /ડીલીવરી ચલણ વગર સાદીરેતી ખનિજનું બિનઅધિકૃત વહન ,

ખાત્રજ-કલોલ રોડ ખાતેથી વાહન ડમ્પર નં. GJ-13-AW-5483 માં ડીલીવરી ચલણથી વધુ બ્લેક્ટ્રેપ ખનિજનું બિનઅધિકૃત વહન તમજ વલાદ ખાતેથી ડમ્પર નં. GJ-18-AZ-7110 માં ડીલીવરી ચલણથી વધુ સાદીરેતી ખનિજનું બિનઅધિકૃત વહન અને લેકાવાડા રોડ ખાતેથી ડમ્પર નં. GJ-18-BV-7292 માં રોયલ્ટીપાસથી વધુ સાદીરેતી ખનિજનું બિનઅધિકૃત વહન કરતાં કુલ આશરે 1.75 કરોડનો મુદ્દામાલ જપ્ત કરવામાં આવ્યો છે. જપ્ત કરેલ વાહનોના વાહનમાલિકો વિરૂધ્ધ ગુજરાત મિનરલ (પ્રિવેન્શન ઓફ ઇલ્લીગલ માઇનીંગ, ટ્રાન્સપોર્ટેશન અને સ્ટોરેજ) નિયમો-2017 ના નિયમો હેઠળ દંડકીય કાર્યવાહી હાથ ધરવામાં આવશે.