ગુજરાતમાં ગરમી વચ્ચે વરસાદની આગાહી

ગુજરાતમાં અંગદઝાડતી ગરમીથી લોકો પરેશાન છે, ત્યારે હવામાન વિભાગે વાતાવરણમાં પલટો આવવાની આગાહી કરી છે. વિભાગના જણાવ્યા અનુસાર, 4 મેના રોજ ઉત્તર ગુજરાતના કેટલાક વિસ્તારો અને સૌરાષ્ટ્ર-કચ્છના અમરેલી, ભાવનગર તથા કચ્છમાં હળવોથી મધ્યમ વરસાદ પડી શકે છે. 5 મેના રોજ ઉત્તર ગુજરાતના બનાસકાંઠા, પાટણ, મહેસાણા સહિતના જિલ્લાઓ અને દક્ષિણ ગુજરાતના વડોદરા, વલસાડ જેવા વિસ્તારોમાં વરસાદની શક્યતા છે. સૌરાષ્ટ્ર-કચ્છના કેટલાક ભાગોમાં પણ વરસાદ પડી શકે છે. આ આગાહીથી લોકોને ગરમીમાં થોડી રાહત મળવાની આશા છે.