2700 કરોડના મની લોન્ડરિંગ કેસમાં EDના રાજસ્થાન, ગુજરાત, દિલ્હીમાં દરોડા
એન્ફોર્સમેન્ટ ડિરેક્ટોરેટ (ED) ની ટીમોએ ગુરુવાર સવારથી રાજસ્થાન, ગુજરાત અને દિલ્હીમાં કુલ 24 સ્થળોએ મોટા પાયે દરોડા પાડ્યા છે. તપાસ એજન્સીના સૂત્રો પાસેથી મળતી માહિતી અનુસાર, આ દરોડા ₹2700 કરોડના મની લોન્ડરિંગ કેસ સાથે સંબંધિત છે. રાજસ્થાનના સિકર, જયપુર, જોધપુર, ઝુનઝુનુ, ગુજરાતના અમદાવાદ અને દિલ્હીમાં આ કાર્યવાહી કરવામાં આવી રહી છે. પ્રાપ્ત માહિતી મુજબ, આ દરોડા “નેક્સા એવરગ્રીન” નામના પ્રોજેક્ટમાં થયેલી છેતરપિંડીની તપાસનો એક ભાગ છે. આ પ્રોજેક્ટમાં રોકાણકારોને ફ્લેટ, જમીન અથવા ઊંચા વળતરની ખાતરી આપીને છેતરવામાં આવ્યા હોવાના આરોપ છે. આ કેસમાં રાજસ્થાન પોલીસે પણ અગાઉ FIR દાખલ કરી હતી અને હવે ED દ્વારા મની લોન્ડરિંગ એક્ટ હેઠળ સર્ચ-ઓપરેશન હાથ ધરવામાં આવ્યું છે.
