ગાંધીનગરમાં આવતીકાલે રોજગાર ભરતી મેળાનું આયોજન

જીલ્લા રોજગાર કચેરી ગાંધીનગર ખાતે તા.૩૦/૦૭/૨૦૨૫નાં રોજ સવારે ૧૦:૦૦ કલાકે જીલ્લા રોજગાર વિનિમય કચેરી, “સી” વીંગ, પહેલો માળ, સહયોગ સંકુલ, પથિકાશ્રમ પાસે, સિવિલ હોસ્પિટલ સામે, સેકટર-૧૧, ગાંધીનગર ખાતે રોજગાર ભરતીમેળાનું આયોજન કરવામાં આવેલ છે. આ રોજગાર ભરતીમેળામાં નોકરીદાતાઓ દ્વારા કુશળ માજી સૈનિકોની પ્રાથમિક પસંદગી કરવામાં આવશે. જેમાં ૨૧ થી ૫૮ વર્ષની ઉંમરના ધો.૧૦ પાસ, ધો.૧૨ પાસની લાયકાત ધરાવતા ફક્ત શારીરિક સશક્ત માજી સૈનિકો ભાગ લઇ શકશે. ઇચ્છુક માજી સૈનિકો અનુબંધમ પોર્ટલ anubandham.gujarat.gov.in ઉપર રજીસ્ટ્રેશન કરી શકે છે. આ રોજગાર ભરતી મેળાનું અનુબંધમ જોબફેર આઇ.ડી JF516312511 છે. ભરતીમેળામાં અસલ પ્રમાણપત્રોની ઝેરોક્ષ નકલો, સર્વિસ ડિસ્ચાર્જ બુકની નકલ અને બાયોડેટા સાથે લાવવાના રહેશે. આ ભરતીમેળામાં રોજગાર કચેરીમાં નામ નોંધણી કરાવેલ અને નોંધણી વગરના માત્ર ગાંધીનગર જીલ્લાનાં જ માજી સૈનિકો ભાગ લઇ શકશે, તેમજ રોજગાર કચેરીમાં નોંધણી કરાવવા ઇચ્છુક માજી સૈનિકો પોતાના અસલ શૈક્ષણિક પ્રમાણપત્રો, એલ.સી, લાગુ પડતી જાતિ અંગેનુ પ્રમાણપત્ર, સર્વિસ ડિસ્ચાર્જ બુક અને તેની નકલ તેમજ પાસપોર્ટ સાઇઝ ફોટોગ્રાફ સાથે રૂબરૂ હાજર રહેવું. એમ જીલ્લા રોજગાર અધિકારી દ્વારા જણાવાયું છે.