ચૂંટણી પંચનો મોટો નિર્ણય: હવે પોસ્ટલ બેલેટની ગણતરી પહેલા થશે, પછી જ EVM ગણાશે

ચૂંટણી પંચે મતગણતરીની પ્રક્રિયામાં એક મોટો ફેરફાર કર્યો છે. બિહાર વિધાનસભા ચૂંટણી પહેલા લેવાયેલા આ નિર્ણય મુજબ, હવે પોસ્ટલ બેલેટની ગણતરી પૂર્ણ થયા બાદ જ EVM મતોની ગણતરી શરૂ કરવામાં આવશે. અત્યાર સુધી, EVMની ગણતરી પહેલા શરૂ થઈ શકતી હતી. આ નવો નિયમ મતગણતરીમાં વધુ પારદર્શિતા લાવશે.

ચૂંટણી પંચે છેલ્લા છ મહિનામાં ચૂંટણી પ્રક્રિયાને વધુ સુવ્યવસ્થિત અને પારદર્શક બનાવવા માટે ૨૯ જેટલી મહત્વપૂર્ણ પહેલ કરી છે. આ નવી પહેલ, જે ૩૦મી છે, પોસ્ટલ બેલેટની ગણતરી પ્રક્રિયાને વધુ સરળ અને સુવ્યવસ્થિત બનાવશે.

નવા નિયમ મુજબ, EVM/VVPAT ગણતરીનો બીજો અને છેલ્લો રાઉન્ડ ત્યારે જ શરૂ થશે જ્યારે પોસ્ટલ બેલેટની ગણતરી પૂરી થઈ જશે. આનાથી પરિણામોની જાહેરાતમાં ગેરરીતિની આશંકા ઓછી થશે અને ચૂંટણી પ્રક્રિયા પર લોકોનો વિશ્વાસ વધશે.