પરેશ ધાનાણી ના પ્રયાસે થી અમરેલી-કુંકાવાવ તાલુકાના રોડ-રસ્તાના રૂ. ૩૫૭ લાખના કામો મંજૂર

ગાંધીનગર
વિરોધપક્ષના નેતા પરેશ ધાનાણીના પ્રયાસના પરિણામસ્વરૂપ અમરેલી – કુંકાવાવ તાલુકાના રોડ – રસ્તાના રૂ. ૩૫૭ લાખના કામો મંજૂર. ગુજરાત વિધાનસભા વિરોધપક્ષના નેતા પરેશભાઈ ધાનાણી સમગ્ર રાજય અને ખાસ કરીને પોતાના વિધાનસભા મતવિસ્તાર અમરેલી – કુંકાવાવના સવાંગી વિકાસ માટે કટિબદ્ધ છે. વિપક્ષ નેતાશ્રી પરેશભાઈ ધાનાણીએ અમરેલી અને કંકાવાવ તાલુકાના રોડ- રસ્તાના કામો માટે સરકારમાં લેખિતમાં રજૂઆત કરેલ હતી. જેના પરિણામ સ્વરૂપ ૭ તથા ૧૦ વર્ષથી વધુ સમયથી બાકી હોય તેવા રસ્તાઓ તથા કોઝવેથી પુલ બનાવવાના રૂ. ૩૫૭ લાખના રસ્તાઓ મુખ્યમંત્રી ગ્રામ સડક યોજના હેઠળ કામો મંજૂર કરી જોબ નંબર આપવામાં આવેલ છે.