CAA નાં વિરોધ વચ્ચે પાકિસ્તાનથી આવેલી હસીના ને મળી ભારતીય નાગરિકતા

દ્વારકા
નાગરિકતા સુધારો અધિનિયમ (સીએએ) ને લઈને દેશભરમાં વિરોધ પ્રદર્શન ચાલુ છે. વિરોધી પક્ષો વિરોધ કરી રહ્યા છે કે આ કાયદો બંધારણની વિરુદ્ધ છે. આ બધા વિરોધ વચ્ચે ગુજરાતમાં પાકિસ્તાનની એક મહિલાને ભારતનું નાગરિકત્વ અપાયું છે. પાકિસ્તાનથી ભારત પરત આવેલી હસીના બેને બે વર્ષ અગાઉ ભારતની નાગરિકતા માટે અરજી કરી હતી. જે બાદ ભારત સરકાર દ્વારા તેમને નાગરિકત્વ આપવામાં આવ્યું છે.
હસીના બેન મૂળ ભારતની હતી. પરંતુ 1999 માં લગ્ન બાદ તે પાકિસ્તાન ગઈ હતી. તેમના પતિનું પાકિસ્તાનમાં રહેતા સમયે મોત નીપજ્યું હતું, ત્યારબાદ તેણે ભારત પાછા ફરવાનું નક્કી કર્યું હતું. બે વર્ષ પહેલા હસીનાએ ભારતના નાગરિકત્વ માટે અરજી કરી હતી. હવે 18 ડિસેમ્બર, 2019 ના રોજ, તેમને ભારત સરકાર તરફથી નાગરિકત્વનું પ્રમાણપત્ર આપવામાં આવ્યું છે.
ગુજરાતના દ્વારકામાં હસીના બેનએ કલેકટરને પત્ર લખીને ભારતીય નાગરિકત્વ માંગ્યું હતું. દ્વારકા કલેક્ટર ડો નરેન્દ્રકુમાર મીના વતી હસીના બેનને ભારતીય નાગરિકત્વનું પ્રમાણપત્ર આપવામાં આવ્યું હતું.
નાગરિકત્વ કાયદાનો વિરોધ છે
નોંધનીય છે કે તાજેતરમાં ભારત સરકાર દ્વારા નાગરિકતા સુધારો કાયદો બનાવવામાં આવ્યો છે, જેના કારણે દેશના ઘણા ભાગોમાં વિરોધ પ્રદર્શન ચાલુ છે. અન્ય વિરોધી પક્ષો આ કાયદાનો એમ કહીને વિરોધ કરી રહ્યા છે કે આ કાયદો બંધારણના આર્ટિકલ 14 અને તેની સાથેની બીજી ઘણી બાબતોનું ઉલ્લંઘન કરે છે. વિપક્ષનો પણ આરોપ છે કે કેન્દ્ર સરકારનો આ કાયદો દેશમાં લઘુમતીઓ પ્રત્યે ભય પેદા કરે છે.