ગાંધીનગરની આ શાળાએ ધો.૧ નાં તમામ વિદ્યાર્થીઓની સંપૂર્ણ ફી માફ કરી

ગાંધીનગર :
ગાંધીનગરનાં સેકટર 15 ખાતે આવેલ જે.એમ.પી. ગોપાલક વિદ્યા સંકુલમાં ચાલતી એ.કે.દેસાઈ ઇંગ્લિશ મીડિયમ સ્કુલ માં ચાલુ વર્ષ 2021-2022 માં ધોરણ 1 માં પ્રવેશ લેનાર વિધાર્થીઓને સંપૂર્ણ શિક્ષણ ફી માફી ની જાહેરાત શાળા દ્વારા કરવામાં આવેલ છે.
શાળાના પ્રિન્સિપાલ દ્વારા જણાવાયું છે કે વર્તમાન કોરોના કાળ ની મહામારી નાં કારણે વિધાર્થીઓના વાલીઓ ભારે કપરી આર્થિક પરિસ્થિતિ નો સામનો કરી રહ્યા છે. ત્યારે શાળા દ્વારા આવા વાલીઓને રાહત મળે તેવા હેતુથી સંસ્થાના ટ્રસ્ટીઓ તેમજ શાળાના પ્રિન્સિપાલ દ્વારા એક નવીન પહેલ કરીને શાળામાં તા.૧૦ મી જુલાઇ સુધીમાં ધોરણ ૧ માં પ્રવેશ મેળવનાર તમામ વિદ્યાર્થીઓ ને સંપૂર્ણ ફી માફી આપવામાં આવશે. તેવો નિર્ણય કરવામાં આવ્યો છે.