અમદાવાદઃ LG હોસ્પિટલની મેડિકલ કોલેજનું નામ બદલીને – ‘નરેન્દ્ર મોદી મેડિકલ કોલેજ’
દેશભરમાં ચાલી રહેલા નામકરણના ટ્રેન્ડ વચ્ચે અમદાવાદના મોટેરા સ્ટેડિયમને પણ એક વર્ષ પહેલા નવું નામ આપવામાં આવ્યું હતું. સરદાર વલ્લભભાઈ પટેલ સ્પોર્ટ્સ એન્ક્લેવમાં મોટેરા સ્ટેડિયમનું નામ બદલીને ‘નરેન્દ્ર મોદી સ્ટેડિયમ’ કરવામાં આવ્યું. હવે શહેરના મણિનગર વિસ્તારમાં આવેલી LG હોસ્પિટલની મેડિકલ કોલેજનું નામ બદલીને ‘નરેન્દ્ર મોદી મેડિકલ કોલેજ’ કરવામાં આવ્યું છે.
અમદાવાદ મ્યુનિસિપલ કોર્પોરેશનની સ્ટેન્ડિંગ કમિટીએ મણિનગર વિસ્તારમાં એલજી હોસ્પિટલના પરિસરમાં આવેલી AMC મેટ મેડિકલ કોલેજનું નામ બદલીને ભારતના વડાપ્રધાનના નામ પર ‘નરેન્દ્ર મોદી મેડિકલ કોલેજ’ રાખ્યું છે.અમદાવાદ મ્યુનિસિપલ કોર્પોરેશન મેડિકલ એજ્યુકેશન ટ્રસ્ટ સંચાલિત એએમસી મેટ મેડિકલ કોલેજમાં મેડિકલ અને પીજી કોર્સ ચાલતા હતા.
