ગુજરાતમાં વધુ એકવાર મોંઘવારીનો માર,સીએનજી અને પીએનજીના ફરી ભાવ વધારો

હમણા થોડા સમય પહેલા જ સંસદમાં પેટ્રોલિયમ ઉત્પાદનોની મોંઘવારીનો મામલો ઉઠાવવામાં આવ્યો હતો. જેનો જવાબ આપતાં પેટ્રોલિયમ રાજ્ય મંત્રીએ કહ્યું હતું કે ગેસના ભાવ ઘણા આધારો પર નક્કી કરવામાં આવે છે. હાલમાં લોકો મોંઘવારીથી ત્રાહિમામ પોકારી રહ્યા છે એવામાં ફરી એકવાર સીએનજી અને પીએનજીના ભાવમાં વધારો થયો છે. સતત ગેસના ભાવ વધતાં અને પેટ્રોલિયમ પેદાશોની સતત વધતી કિંમતોનો મધ્યમ વર્ગને ખુબ પરેશાની થઈ રહી છે. ત્યારે ગુજરાતના લોકો પર મોંઘવારીનો વધુ એક માર પડ્યો છે. આજે ફરી એકવાર સીએનજી અને પીએનજીના ભાવમાં વધારો કરવામાં આવ્યો છે. આજે ગુજરાત ગેસે સીએનજી અને પીએનજીના ભાવમાં ૫ ટકાનો વધારો કર્યો છે. ગુજરાતમાં આ વધેલા ભાવ આજથી અમલમાં આવી જશે.

ગુજરાત ગેસ દ્વારા આજે સીએનજીના ભાવમાં ૫ ટકાનો વધારો કરવામાં આવ્યો છે અને આ વધેલા ભાવ આજથી અમલમાં આવી ગયા છે. હવે ગુજરાત ગેસના સીએનજી માટે તમારે ૭૮.૫૨ રૂપિયા પ્રતિ કિલો ચૂકવવા પડશે.
આ સાથે ગુજરાત ગેસે પણ પીએનજીના ભાવમાં વધારો કર્યો છે અને તેના વધેલા ભાવ આજથી અમલમાં આવી ગયા છે. ગુજરાત ગેસનો પીએનજી ભાવ ઘટીને રૂ. ૫૦.૪૩ પ્રતિ એસસીએમ થયો છે. તેમાં ૫ ટકાનો વધારો જાવા મળી રહ્યો છે. બીજી તરફ, ગુજરાત ગેસે ઔદ્યોગિક ગેસના ભાવમાં પ્રતિ એસસીએમ પર રુપિયા ૭નો ઘટાડો કર્યો છે. સીએનજી પીએનજી અને ઈન્ડસ્ટ્રી ગેસના બદલાયેલા ભાવ આજથી લાગુ થઈ ગયા છે.