ગાંધીનગર : આવતી કાલે ગિફટ સિટીમાં રોજગાર મેળો યોજાશે

ગાંધીનગર :

ગાંધીનગર જિલ્લા રોજગાર વિનિમય કચેરી મોડેલ કેરિયર સેન્ટર ગાંધીનગર દ્વારા ઔદ્યોગિક રોજગાર ભરતીમેળાનું આયોજન કરવામાં આવ્યું છે. આગામી 12 અને 13 જુલાઇએ ગાંધીનગરની ગિફ્ટ સિટીના ટેક મહિન્દ્રા લિમિટેડ, 19મો માળ, કયુસી બિલ્ડિંગ ખાતે સવારે 10 કલાકે ભરતી મેળો યોજાશે. આ ભરતી મેળામાં ધોરણ-12 પાસ તથા ગ્રેજ્યુએટ ઉમેદવારો ભાગ લઇ શકશે. ઉલ્લેખનીય છે કે જિલ્લાના રોજગાર વાંચ્છુક યુવાનો વિવિધ રોજગારીની તકોથી વંચિત ન રહે તથા નોકરીદાતાઓને સતત કુશળ માનવબળ પ્રાપ્ત થઇ શકે તે હેતુસર ગાંધીનગર જિલ્લા રોજગાર વિનિમય કચેરી દ્વારા રોજગાર ભરતી મેળાનું આયોજન કરવામાં આવે છે.