સરદાર પટેલની જન્મજયંતીને લઈ રાજ્યની 8 મનપામાં રન ફોર યુનિટી કાર્યક્રમ યોજાશે
સરદાર પટેલની જન્મજયંતિ નિમિત્તે રાષ્ટ્રીય એકતા દિવસની ઉજવણી કરવામાં આવનાર છે. ગુજરાતમાં સરદાર વલ્લભભાઈ પટેલના વારસાને સન્માનિત કરવા માટે ગુજરાત સરકારે વિવિધ વય જૂથોના હજારો નાગરિકોને એકતા અને સૌહાર્દ તરફ વાળવાના ઉદ્દેશ્ય સાથે રાજ્યભરમાં રન ફોર યુનિટીનું આયોજન કરવામા આવ્યું છે. સમગ્ર ગુજરાતમાં તમામ મ્યુનિસિપલ કોર્પોરેશન દ્વારા અલગ અલગ જગ્યા ઉપર રન ફોર યુનિટીનુ આયોજન કરવામા આવ્યુ છે.
રાજ્યની 8 મહાનગરપાલિકામાં રન ફોર યુનિટીનું આયોજન કરવામાં આવ્યું છે. જેને લઇ આજ રોજ 8 મનપામાં રન ફોર યુનિટી કાર્યક્રમ યોજાશે. જેમાં ગાંધીનગર, સુરત, વડોદરા, અમદાવાદ, રાજકોટ, ભાવનગર, જૂનાગઢ, જામનગરમાં મહાનગર પાલિકા દ્વારા આજે સરદાર પટેલની જન્મજયંતી નિમિત્તે રન ફોર યુનિટી કાર્યક્રમનું આયોજન કરવામાં આવ્યું છે જેમાં હજારો લોકો જોડાશે. આ દોડ સવારે 7 થી 7: 30 દરમિયાન યોજવામાં આવશે.
