એક્શનપેક્ડ ફિલ્મ એનિમલનું ટ્રેલર રિલીઝ: હોલીવુડ સીન કોપી કર્યાનો આરોપ

રણબીર કપૂરની ફિલ્મ એનિમલનું ટ્રેલર રિલીઝ ગયું છે. ટ્રેલર લોકોને ખૂબ પસંદ આવી રહ્યું છે. ટ્રેલર બાદ ખાસ કરીને રણબીર કપૂર નો નવો લૂક દર્શકોને ખૂબ પસંદ પડી રહ્યો છે. રણબીર કપૂર, રશ્મિકા મંદાના, બોબી દેઓલ, અનિલ કપૂર, સુરેશ ઓબેરોય અને પ્રેમ ચોપરા અભિનીત ફિલ્મ ‘એનિમલ’નું ટ્રેલર લોન્ચ થઈ ગયું છે. રણબીર એનિમલમાં ગંડાસા ચલાવતો સીન હોલીવુડની ફિલ્મ ‘ઓલ્ડ બોય’માંથી કોપી કરવામાં આવ્યો હોવાનો આરોપ લગાવવામાં આવ્યો હોવાનું સૂત્રો તરફથી જાણવા મળી રહ્યું છે. આની કોઈ અધિકારીક પુષ્ટિ કરી નથી.

હોલીવુડ મૂવીમાં ન તો બેકગ્રાઉન્ડ મ્યુઝિક છે, ન તો આ હોલીવુડ મૂવીમાં જોવા જેવી સિનેમેટિક સ્ટાઈલ છે. ખૂબ જ સરળ રીતે, હીરો લોકોને મારી નાખે છે જ્યારે એનિમલ માં સીનમાં બેકગ્રાઉન્ડ મ્યુઝિક આપવામાં આવ્યું છે અને ત્યાં હાજર લોકો ફેન્સી હેડગિયર પહેરે છે. તેમજ રણબીર કપૂર લાંબા વાળ સાથે જોવા મળે છે અને તેની આંખોમાં ગુસ્સો પણ જોવા મળે છે.

આ સીનને અદ્ભુત સિનેમેટિક સ્ટાઈલ આપવામાં આવી છે. જો કે બંને ફિલ્મો સંપૂર્ણપણે સમાન નથી. એનિમલ એક્શનપેક્ડ ફિલ્મ 1 ડિસેમ્બરે સિનેમા ઘરોમાં રિલીઝ થશે.