સરખેજ વોર્ડના ચાર કાઉન્સિલરોને AMCની વિવિધ કમિટીઓમાં સભ્યપદ, અભિનંદનોની વર્ષા

વેજલપુર વિધાનસભાના ધારાસભ્ય શ્રી અમિત ઠાકરના નેતૃત્વમાં વિકાસના માર્ગે આગળ વધી રહેલા વિસ્તારમાં સરખેજ વોર્ડના ચાર કાઉન્સિલરોને અમદાવાદ મહાનગરપાલિકા (AMC)ની વિવિધ કમિટીઓમાં સભ્ય તરીકે નિમણૂક મળતા કાર્યકરો અને સ્થાનિકોમાં આનંદની લાગણી જોવા મળી હતી. મળતી માહિતી મુજબ શ્રી રાજુભાઈ શુક્લને રેવન્યુ કમિટી, શ્રી દિવ્યેશ ત્રિપાઠીને વોટર એન્ડ સિવેજ કમિટી, શ્રીમતી હેમા શાહને વેટરનિટી હોસ્પિટલ મેનેજમેન્ટ કમિટી તેમજ શ્રીમતી જેઠીબેન ડાંગરને હેરિટેજ એન્ડ રિક્રિએશન કમિટીમાં સભ્ય તરીકે જવાબદારી સોંપવામાં આવી છે. આ નિમણૂકો બદલ ચારેય કાઉન્સિલરોને શુભેચ્છાઓ અને અભિનંદનો પાઠવવામાં આવ્યા હતા. કાર્યકરોએ વિશ્વાસ વ્યક્ત કર્યો કે તેઓ પોતાની નવી જવાબદારીઓ નિષ્ઠાપૂર્વક નિભાવી શહેરના વિકાસ અને જનહિતના કાર્યોમાં મહત્વપૂર્ણ યોગદાન આપશે.