કોરોનાના સામાન્ય લક્ષણોમાં રેમડેસિવીરના ઉપયોગથી ફાયદો નહીં થાય : AIIMS ડાયરેક્ટર

દેશભરમાં કોરોનાનું સંકટ છવાયું છે. જ્યાં જુઓ ત્યાં બેડ, ઓક્સિજન અને રેમડેસિવીર ઇન્જેક્શનની મારામારી છે. લોકોમાં રેમડેસિવીર ઇન્જેક્શન અને ઓક્સિજનના હાહાકાર વચ્ચે એમ્સનાં ડાયરેક્ટર ગુલેરિયાએ આ ઇન્જેક્શન અંગે મહત્ત્વપૂર્ણ વાત કહી છે.
તેમણે કહ્યું કે, જ્યારે કોરોનાનાં લક્ષણો દેખાય છે ત્યારે જરા પણ ગભરાશો નહીં, ફક્ત તેને સરળ શરદીની જેમ જ સારવાર કરો. હજી સુધી, કોઈ ડેટા નથી કે રેમડેસિવીરથી હળવા લક્ષણોમાં કોઈ ફાયદો છે. તે બુલેટ નથી કે કોરોનામાં આપવામાં આવે કે તરત અદૃશ્ય થઈ જશે. ડબલ્યુએચઓ દ્વારા આનાથી થતા નુકસાનની જાણ કરવામાં આવી છે.
ડૉ.ગુલેરિયાએ સ્પષ્ટ શબ્દોમાં કહ્યું કે, રેમડેસિવીર કોઈ જાદુઈ બુલેટ નથી. ન તો તે એવી દવા છે જેનાથી મોતમાં ઓછપ આવે છે. સારી એન્ટિવાયરલ ડ્રગની ગેરહાજરીમાં, આપણે તેનો ઉપયોગ કરી શકીએ છીએ. તેની ભૂમિકા ખૂબ મર્યાદિત છે અને આનો ઉપયોગ કરતી વખતે ખૂબ કાળજી લેવાની જરૂર છે.
આપને જણાવી દઇએ કે, દેશમાં કોરોનાના વધતા જતા કેસો પર દેશના ત્રણ મોટા ડૉકટરોએ એક પ્રેસ કોન્ફરન્સ કરી હતી. ત્રણેય ડોકટરોએ વીડિયો કોન્ફરન્સ દ્વારા જોડાયા હતા. આ દરમિયાન, મેદાંતા હૉસ્પિટલના અધ્યક્ષ ડો.ત્રેહને કહ્યું હતું કે, કોરોનાનાં લક્ષણો દેખાય તે પછી તરત જ પોતાને આઇસોલેટ કરવા જોઈએ. ઉપરાંત, વિલંબ કર્યા વિના સારવાર શરૂ કરવી જોઈએ. રિપોર્ટ કોરોના પોઝિટિવ આવે કે તરત જ હૉસ્પિટલમાં ભાગવાની જરૂર નથી. જો ઓક્સિજનનું સ્તર વધઘટ થઈ રહ્યું હોય તો હૉસ્પિટલમાં દાખલ કરી શકાય છે.
ડો.ત્રિહને વધુમાં કહ્યું કે, હૉસ્પિટલોની એપ્લિકેશનમાંથી માહિતી લઈ શકાય છે. ઓછા ટકા લોકોને હૉસ્પિટલમાં દાખલ થવાની જરૂર હોય છે. હૉસ્પિટલના બેડનો ઉપયોગ વિવેકપૂર્વક અને જવાબદારીપૂર્વક કરવો જોઈએ. તે આપણા બધાની જવાબદારી છે.
તે જ સમયે, નારાયણ આરોગ્યના અધ્યક્ષ ડૉ. શેટ્ટીએ કહ્યું કે, જો તમને કોરોનાનાં લક્ષણો દેખાય છે તો ગભરાશો નહીં, તમારા ડૉક્ટર સાથે વાત કરો અને જલદીથી કોરોના પરીક્ષણ કરાવી લો. જો સ્થિતિ ખૂબ ગંભીર નથી, તો પછી ઘરે સારવાર કરો.