આજે મમતા બેનર્જીનો 67મો જન્મદિવસ, કેવી રીતે બની સામાન્ય છોકરી ‘બંગાળની દીદી’

આજે (5 જાન્યુઆરી) પશ્ચિમ બંગાળ(West Bengal)ના મુખ્યમંત્રી અને ‘દીદી’ તરીકે જાણીતી મમતા બેનર્જીનો આજે 67મો જન્મદિવસ (Mamata Banerjee 67th Birthday Today)છે. 15 વર્ષની વયે રાજનીતિમાં પ્રવેશ્યા પછી, 1984ની સામાન્ય ચૂંટણી (Election)માં સૌથી નાની વયે સાંસદ બનવા અને પછી ડાબેરી પક્ષોના ગઢ ગણાતા પશ્ચિમ બંગાળમાંથી તેમને બહારનો રસ્તો બતાવવાની મમતા બેનર્જીની સફર ખૂબ જ રસપ્રદ રહી.

મમતાએ દૂધ વેચીને પોતાના ભાઈ-બહેનોનો ઉછેર કર્યો

કેન્દ્રીય મંત્રી નીતિન ગડકરી (Union Minister Nitin Gadkari) અને દિલ્હીના સીએમ અરવિંદ કેજરીવાલે તેમના જન્મદિવસના અવસર પર ટ્વિટ કરીને તેમને અભિનંદન પાઠવ્યા છે.મમતા (Mamata Banerjee)નો જન્મ 5 જાન્યુઆરી 1955ના રોજ કોલકાતામાં એક નિમ્ન મધ્યમ વર્ગના પરિવારમાં થયો હતો. તેમના પિતા સ્વતંત્રતા સેનાની હતા. મમતા માત્ર 17 વર્ષની હતી ત્યારે તેના પિતાનું બીમારીના કારણે મૃત્યુ થયું હતું. જે બાદ પરિવારની જવાબદારી તેમના ખભા પર આવી ગઈ હતી. મમતાએ દૂધ વેચીને પોતાના ભાઈ-બહેનોનો ઉછેર કર્યો અને પોતાનો અભ્યાસ પોતે પૂરો કર્યો. મમતા બેનર્જીએ કલકત્તા યુનિવર્સિટીમાંથી લો અને માસ્ટર ઓફ આર્ટ્સમાં ગ્રેજ્યુએશન કર્યું હતું.

70ના દાયકામાં રાજકારણમાં સક્રિય

મમતાએ માત્ર 15 વર્ષની ઉંમરે જ રાજકારણમાં પ્રવેશ કર્યો હતો. 15 વર્ષની ઉંમરે, તેમણે જોગમાયા દેવી કોલેજમાં વિદ્યાર્થી પરિષદ યુનિયનની સ્થાપના કરી, જે કોંગ્રેસ (I)ની વિદ્યાર્થી પાંખ હતી અને ચૂંટણીમાં ડાબેરી પક્ષોની વિદ્યાર્થી પાંખને હરાવી હતી. મમતા બેનર્જી 70ના દાયકામાં કોલેજમાં કોંગ્રેસ પાર્ટી દ્વારા રાજનીતિમાં સક્રિય થઈ અને બહુ જલ્દી પાર્ટીમાં તેમનું કદ પણ વધી ગયું. તેમને મહિલા કોંગ્રેસના મહામંત્રી બનાવવામાં આવ્યા હતા.

દિગ્ગજ નેતા સોમનાથ ચેટરજીને હરાવીને સૌથી યુવા સાંસદ બની

આ પછી 1984માં કંઈક એવું થયું જેની કોઈએ કલ્પના પણ કરી ન હતી. તે સમયે, સીપીએમના સોમનાથ ચેટર્જી રાજકારણના એટલા મજબૂત હતા કે કોઈ પણ નવા રાજકારણી માટે તેને હરાવવાનું અશક્ય માનવામાં આવતું હતું. પરંતુ 1984માં મમતાએ સામાન્ય ચૂંટણી લડી અને જાદવપુર લોકસભા બેઠક પરથી સોમનાથ ચેટર્જીને હરાવ્યા. ચૂંટણી જીતવા સાથે, મમતા 1984ની સામાન્ય ચૂંટણીમાં ભારતની સૌથી યુવા સાંસદ બની હતી. આ પછી, 1991માં, બેનર્જી રાવ સરકારમાં માનવ સંસાધન વિકાસ, યુવા બાબતો, રમતગમત અને મહિલા અને બાળ વિકાસ રાજ્ય મંત્રી હતા. 1996, 1999, 2004 અને 2009માં મમતા બેનર્જીએ કોલકાતા બેઠક પરથી લોકસભા ચૂંટણી જીતી હતી.

2011માં પશ્ચિમ બંગાળની રાજનીતિમાં પલટો આવ્યો

1993માં મમતા બેનર્જીએ રમતગમત મંત્રાલયમાંથી રાજીનામું આપી દીધું હતું. આ પછી, 1997માં, તેણે ઓલ ઈન્ડિયા તૃણમૂલ કોંગ્રેસ પાર્ટી બનાવી અને કોંગ્રેસથી અલગ થઈ ગઈ. 1999માં તે NDAનો ભાગ બની અને રેલ્વે મંત્રી બની. જોકે, 2011માં મમતાએ પણ NDAથી અલગ થઈ ગયા હતા. વર્ષ 2011માં ટીએમસીના પ્રમુખ બનીને, ડાબેરી પક્ષોની દાયકાઓ જૂની સત્તાને ઉથલાવીને, પશ્ચિમ બંગાળમાં નવો સૂર્ય ઉગ્યો અને રાજ્યમાં પોતાની સરકાર બનાવી, મુખ્યમંત્રી બન્યા. અહીંથી જ મમતા બેનર્જીની જીતનો તબક્કો શરૂ થયો, તેમણે ફરી પાછું વળીને જોયું નથી.

દિલ્હીના સીએમ અરવિંદ કેજરીવાલ અને કેન્દ્રીય મંત્રી નીતિન ગડકરીએ પણ મમતા બેનર્જીને તેમના 67માં જન્મદિવસની શુભેચ્છા પાઠવી હતી. ટ્વીટ કરીને કેજરીવાલે દીદીના લાંબા આયુષ્ય, સફળતા અને સારા સ્વાસ્થ્યની શુભેચ્છા પાઠવી હતી.