ગ્રામસેવા સંકુલ સાદરા ગાંધી ગ્રામ જીવન યાત્રાનો ઉદગાટન કાર્યક્રમ સોનાસણ મુકામે યોજાયો

મહાદેવ દેસાઈ ગ્રામ સેવા સંકુલ, સાદરા દ્વારા આજે સાબર ગ્રામવિદ્યાપીઠ,સોનગઢ,સોનાસણ ખાતે ગાંધી ગ્રામજીવન પદયાત્રા -2022નો ઉદ્ઘાટન કાર્યક્રમ યોજાયો જેમા સાબરકાંઠાના લોકપ્રિય સાંસદસભ્ય દીપસિહ રાઠોડ, જિલ્લા ભાજપ પ્રમુખ જે.ડી.પટેલ,સાબરગ્રામ વિદ્યાપીઠ ના ઉપપ્રમુખ મહેશભાઈ પટેલ, સ્વદેશી જાગરણ મંચના પ્રાંત સંયોજક શ્રી ચૈતન્યભાઈ ભટ્ટ ,સાબર ગ્રામ વિદ્યાપીઠના આચાર્ય મનુભાઈ પટેલ તેમજ અન્ય મહેમાનો જોડાયા હતા. ગાંધી વિચારો અને ગ્રામીણજીવશૈલીને સમજવાના ઉપક્રમને કેન્દ્રમાં રાખીને યોજાયેલ પદયાત્રીઓને સૌ મહાનુભાવોએ આશિર્વાદ સાથે શુભેચ્છાઓ આપી સૌને બિરદાવ્યા હતાં.

સમગ્ર કાર્યક્રમ માટે કુલનાયક શ્રી ડૉ. રાજેન્દ્ર ખિમાણી સાહેબની રાહબરીમા, સંયોજક પ્રોફેસર ડૉ. રાજેન્દ્ર જોષીના સાનિધ્યમા સંપન્ન થશે. આ તબક્કે આયોજનમા પ્રા. બળદેવ મોરી, ડૉ. મોતીભાઈ દેવુ અને ડૉ.દિવ્યેશ ભટ્ટ દ્વારા જહેમત ઉઠાવાઈ હતી. આસપાસના ગ્રામ્ય વિસ્તારના સરપંચોની વિશેષ ઉપસ્થિતિ રહી હતી. સાબર ગ્રામવિદ્યાપીઠના આચાર્ય શ્રી મનુભાઈ પટેલે સૌને મીઠો આવકાર આપ્યો હતો. સમગ્ર કાર્યક્રમના આયોજનમા સંસ્થાના પ્રાધ્યાપક અશ્ર્વિનભાઈ, અસીમભાઈ વગેરેનો સોહાર્દપૂર્ણ સહકાર પ્રાપ્ત થયો હતો. કાર્યક્રમનુ સંચાલન ડૉ. દિવ્યેશ ભટ્ટે કર્યું હતું.