વાવોલમાં ડેપ્યુ. મેયર પ્રેમલસિંહના હસ્તે 108 દિવાની આરતી ઉતારી માંની આરાધના કરવામાં આવી

વાવોલ સ્થિત શ્રી હરિ 142 કૉ.ઑ.હાઉસીંગ સોસાયટી ખાતે આદ્યશક્તિ મા શક્તિનું પર્વ ધામધૂમથી ઉજવાઈ રહ્યું છે. સોસાયટીના પાંચમા નોરતે ગાંધીનગર મહાનગરપાલિકાના ડેપ્યુ. મેયર પ્રેમલસિંહ ગોલના હસ્તે 108 દિવાની આરતી ઉતારી મા શક્તિની ભક્તિ-આરાધના કરવામાં હતી. આ પ્રસંગે સોસાયટીના પ્રમુખશ્રી દિગ્વિજયસિંહ રાઠોડ અને ઉપપ્રમુખ વિજય પંડયા દ્વારા પ્રેમલસિંહ ગોલને સાફો પહેરાવીને અભિવાદન કરવામાં આવ્યું હતું. આ સાથે જુનિયર બચ્ચન તરીકે પ્રખ્યાત એવા પિનાકીન ગોહીલ ખાસ ઉપસ્થિત રહી ગરબે ઘૂમ્યા હતા. સાથોસાથ તેઓએ અમિતાભ બચ્ચના પ્રખ્યાત ગીતો પર પોતાનો કલા પ્રસ્તુત કરી હતી.