દાંતા તાલુકાની ૩૯ ગ્રામ પંચાયતો માટે ૨૨ જૂને ચૂંટણી

દાંતા તાલુકાની કુલ ૩૯ ગ્રામ પંચાયતોની ચૂંટણી આગામી ૨૨ જૂન, ૨૦૨૫ના રોજ યોજાશે. આ ચૂંટણી માટે તૈયારીઓ શરૂ થઈ ગઈ છે, અને સરપંચ પદ માટે ઉમેદવારોએ પોતાના ફોર્મ ભરવાની પ્રક્રિયા પૂર્ણ કરી છે. પ્રાપ્ત માહિતી અનુસાર, દાંતા તાલુકાની ૩૯ ગ્રામ પંચાયતોના સરપંચ પદ માટે કુલ ૬૦ ઉમેદવારી ફોર્મ ભરાયા છે. ચૂંટણી પંચના નિયમો મુજબ, ફોર્મની ચકાસણી પ્રક્રિયા હાથ ધરવામાં આવશે. આ ચકાસણી બાદ એવી સંભાવના છે કે કેટલીક ગ્રામ પંચાયતોમાં માત્ર એક જ ફોર્મ ભરાયું હોવાથી, ત્યાંની બેઠકો બિનહરીફ જાહેર થઈ શકે છે. આનાથી ચૂંટણીનો પ્રક્રિયા સમય અને ખર્ચ બચશે. ચૂંટણી તંત્ર દ્વારા શાંતિપૂર્ણ અને નિષ્પક્ષ ચૂંટણી યોજાય તે માટે તમામ જરૂરી વ્યવસ્થા કરવામાં આવી રહી છે.