જૂનાગઢ પત્રકાર હત્યા: ટ્રાવેલ્સના ઘંઘામાં ભાગીદાર ફિરોઝ ગામેતી સાથે બે વ્યક્તિઓની ધરપકડ

જૂનાગઢના વણઝારી ચોક વિસ્તારમાં પત્રકારની તેની ઓફિસમાં જ તિક્ષણ હથિયારોના ઘા મારી કરપીણ હત્યા કરવમાં આવી હતી. આ ઘટનામાં પોલીસે ચાર ટીમો બનાવીને જુદી જુદી દિશામાં તપાસ હાથ ધરી હતી. જેમાં પોલીસે ફિરોઝ ગામેતી સાથે અન્ય બે વ્યક્તિઓની ધરપકડ કરી છે. પત્રકાર કિશોર દવે ભાગીદારીમાં ફિરોઝ ગામેતી સાથે ટ્રાવેલ્સનો ધંધો કરતા હતા. જેમાં તેના ધંધાર્થી ભાગીદાર ફિરોઝ ગામેતીએ અન્ય બે વ્યક્તિ સાથે મળીને હત્યા કરી હોવાનો પોલીસ તપાસમાં ઘટસ્ફોટ થયો છે. ફિરોઝે પોતાના પર લાગેલો આરોપ કબૂલી લીધો છે.